Шымкент қ. нефрология және эфферентті терапия ортылығы

Шымкент қаласындағы нефрология және эфферентті терапия орталығы 2016 жылдың 10 қарашасында ашылды.
Орталық «Нұрсат» жаңа шағын ауданында жеке тұрған үш қабатты ғимаратта орналасқан. Онда созылмалы бүйрек ауруы бар науқастар медициналық көмек алады.

Диализ орталығы су дайындау жүйесімен және гемодиализ жабдықтары индустриясындағы әлемдік көшбасшылардың бірі B. Braun Avitum AG неміс компаниясының соңғы үлгідегі 15 «жасанды бүйрек» аппараттарымен жабдықталған. Орталықта үш ауысымдық жұмыс режимінде шамамен 75 адамға қызмет көрсетіледі.
Орталық барлығы 75 пациентті емдеуге арналған, бірақ қажет болған жағдайда орталықтың ресурстары диализ орындарының санын 16-ға дейін, ал пациенттердің жалпы санын 80-ге дейін арттыруға мүмкіндік береді.

Гемодиализ қызметі Шымкент қаласының «№1 Қалалық клиникалық ауруханасы» ШЖҚ МКК базасында дербес бөлімше болып табылады, бірінші қабатта 20 диализ төсегіне арналған эфферентті терапия және гемокоррекция орталығы, сондай-ақ екінші қабатта 15 төсектік созылмалы бүйрек жеткіліксіздігі бар науқастарға арналған стационарлық бөлімше жұмыс істей бастады. Сонымен қатар, біз қазіргі заманғы Omni және DIACAPT аппараттарында полиоргандық жеткіліксіздік жағдайында гемодиализ, гемофильтрация және гемодиафильтрация жасай аламыз. Гемодиализ орталығы бүйрек алмастыру терапиясына мұқтаж пациенттерге шұғыл көмек көрсету үшін тәулік бойы жұмыс істейді.

Операциялық блогы бар нефрологияның стационарлық бөлімшесі ғимараттың екінші қабатында орналасады, бұл нефрологиялық ауруларды емдеуге кешенді тәсілді жүзеге асыруға мүмкіндік береді, ол мынадай кезеңдерді қамтиды: диагностикалау,аурудың алдын алу, диализ, диализ рәсімдері, транспланттау және оңалту.

Екі орталықта мемлекеттік тапсырыс негізінде ТМККК және МӘМС бойынша пациенттерге медициналық көмек көрсетеді. Диализдік орталықтарда жоғары білікті нефролог – дәрігерлер мен диализдік медбикелер штаты бар.

• Орталықтар «Dialog+» және «Dialog IQ» соңғы буындағы «жасанды бүйрек» заманауи жабдықтарымен, суды тазартуға арналған заманауи қондырғымен жабдықталған;
• Вирустық гепатит жұқтырған пациенттерге арналған жеке диализ залдары бар;
• Алмастырушы бүйрек терапиясы процедуралары үшін тек бір реттік шығыс материалдары пайдаланылады;
• Гемодиализ емшараларын жүргізу үшін lops, hips фирмаларының мембранасының ауданы 1,5 ш.м. 2,3 ш.м. құрайтын бір реттік қан өткізетін магистральдары мен диализаторлары пайдаланылады;
• «Олимп» КДЛ-ның ҚР ДСМ нефростандарттарына сәйкес пациенттер қанының зертханалық көрсеткіштерінің ай сайын мониторинг жүргізіледі;
• Су мен диализаттың сапасын бақылау еуропалық стандарттарға сәйкес жүргізіледі;
• Жасанды бүйрек аппараттарында Adimea емдеу сапасын бақылаудың автоматтандырылған жүйесі бар (Kt / v);
• Ультра таза диализ ерітіндісін дайындау үшін «Diacap Ultra»диализат сүзгілері қолданылады;
• Жасанды бүйрек аппараттарын гемодиализ процедураларын жүргізу кезінде артериялық қысымды автоматты өлшеу жүйесімен жарақтандырылған;
• Асқынуларды ЭПО, темір препараттарымен емдеу, минералды-сүйек алмасуының бұзылуын түзету ТМККК бойынша азаматтардың жеңілдікті категориясына арналған дәрі-дәрмектермен жүзеге асырылады;
• Процедура кезінде пациенттерге ыстық тамақ беріледі;
• Барлық пациенттер үйден гемодиализге және рәсім аяқталғаннан кейін үйге орталықтың қызметтік автокөлігімен жеткізіледі.